Kapwa tiniyak ng Energy Regulatory Commission o ERC at DOE o Department of Energy na walang magiging kakapusan sa suplay ng kuryente sa bansa ngayong papalapit na tag-init o summer season.
Ito’y makaraang harangin ng C.A. o Court of Appeals ang suspension order ng Ombudsman laban sa apat na mga Commissioners ng ERC dahil sa mga umano’y anomalya sa mga pinasok nitong kontrata.
Ayon kay ERC Chairperson Agnes Devanadera, tiyak na aniyang mareresolba na nila ang problema hinggil sa mga nakabinbing kontrata sa kanila kaya’t wala na aniyang dapat ikabahala ang publiko.
Bagay na ikinatuwa naman ni Senate Committee on Energy Chairman Sherwin Gatchalian na nagsabing magandang pagkakataon ang naging desisyon ng Appelate Court para maiwasan ang anumang mga perhuwisyong dulot ng naging pasya ng Ombudsman.
Posted by: Robert Eugenio