Walang pasok sa Lunes, Agosto 12 bilang pag-gunita sa Eid’ al Adha o Feast of Sacrifice.
Ito ang kinumpirma ni Executive Secretary Salvador Medialdea bagama’t inaasahang ipalalabas ang pormal na deklarasyon ng nabanggit na holiday ngayong tanghali.
Sinabi ni Medialdea, alinsunod ito sa nilagdaan nang proclamation number 789 ni Pangulong Rodrigo Duterte na nabibigay pagkakataon sa mga Filipinong Muslim na ipagdiwang ang Eid’ al Adha.
Ang Eid’ al Adha ay isang pangunahing festival sa Islam bilang paggunita sa ginawang sakripisyo ni Abraham bilang pagsunod sa utos ni Allah.
