Pinalaya na ng New People’s Army ang dinukot na Deputy Chief of Police ng President Roxas sa North Cotabato na Si Police Inspector Menardo Cui.
Dinala si Cui sa PNP-Region 11 kung saan siya sinalubong ng kanyang ina at pagkatapos ay humarap sa kanyang superior na si Police Director Manuel Gaerlan.
Nabatid naman na namatay ang misis ni Cui na si Florelie dahil sa cervical cancer limang araw matapos itong dukutin noong Disyembre 28 ng nakalipas na taon.
Isasailalim sa debriefing at medical check-ups si Cui bago bumalik sa kanyang tungkulin bilang pulis.
