Tahasang itinuro ni Labor Secretary Silvestre Bello III ang kanyang Undersecretary na si Jacinto “Jing” Paras na nasa likod ng planong pagpapatalsik sa kanya sa pwesto.
Ayon sa kalihim, umamin mismo si Paras na sangkot sa paggawa ng affidavit na nagdiin sa kanya sa katiwalian.
Maliban dito, si Paras din aniya ang nagdala kay Pangulong Rodrigo Duterte ng may-ari ng recruitment agency na nag-akusa sa kanya ng pangongotong na si Azzizah Salim.
Nanindigan naman ang si Bello na hindi siya nangotong, kasunod ng multi-million lobby fund na ginagamit umano para tuluyan siyang mapatalsik sa tanggapan.
