Bukas ang MPD o Manila Police District sa imbestigasyon sa dalawang tauhan nitong nagsilbing police escort sa dalawang gun for hire suspects habang sakay ng police mobile kahapon ng hapon.
Tiniyak ito ni Police Senior Inspector Philip Ines, spokesman ng MPD Station 4 kasabay ang pagsasabing pinagpahinga muna nila sina PO1 Joven Miguel at PO2 Mark De Lima.
Sinabi ni Ines na na trauma ang mga nasabing pulis ang 9mm glock service pistol ay tinangay ng mga suspek na humarang sa kanilang mobile sa Lacson Avenue.
Sakay ng police mobile ang self-confessed hitmen na sina Apolonio Flores at Prince Patrick Cortez na kapwa nahaharap sa kasong illegal possession of firearms at pabalik na sana ng MPD Station 4 matapos sumailalim sa inquest proceedings nang paputukan ng mga suspek.