Naranasan mismo ni Philippine National Police (PNP) Chief Director General Ricardo Marquez ang bigat ng trapiko sa EDSA kaninang umaga.
Sa gitna rin ito nang pag-inspeksyon ni Marquez sa mga tauhan ng HPG o Highway Patrol Group na nagmamando ng trapiko sa EDSA sa ikalawang araw.
Inabot ng 45 minuto ang biyahe ni Marquez mula Quezon Avenue hanggang Cubao sa Quezon City.
Ang convoy ni Marquez na kinabibilangan ng dalawang motorsiklo at 3 sasakyan ay nanggaling sa Balintawak Market nang gumapang ito paakyat ng Quezon Avenue flyover alas-7:00 ng umaga.
Sinasabing 11 minuto lamang ang inaabot ng biyahe mula sa Quezon Avenue patungong Cubao.
Binigyang diin ni Marquez na walang magic formula para maayos talaga ang trapiko sa EDSA subalit maaaring magsimula sa tamang pagpapatupad ng batas trapiko.
By Judith Larino
