Isinisi ng Grupong Karapatan kay Pangulong Rodrigo Duterte ang ang dahilan kung bakit hanggang sa ngayon ay bigo pa rin ang pamahalaan na resolbahin ang problema sa illegal na droga sa bansa.
Kasunod ito ng akusasyon ng ilang opisyal ng gobyerno sa mga human rights group na ginagamit umano sila ng mga drug lords para dungisan ang kampanya ng pamahalaan kontra droga.
Ayon sa Grupong Karapatan , ginagamit lamang ng pamahalaan ang mga nasabing maling paratang para sa niluluto nitong ‘scenario’ laban sa mga kritiko ng administrasyon.
Nais umano kasi ng Malakanyang na magkaroon ng batayan para sa plano nilang malawakang “tokhang- style killing” sa mga aktibista o para matakasan ang pananagutan nito sa domestic at international human rights.