Welcome sa Presidential Communications Operations Office ang pagpasok ni Undersecretary Lorraine Badoy bilang bagong miyembro ng kanilang tanggapan.
Kasunod ito ng paglabas ng appointment papers ni Badoy bilang PCOO Undersecretary for New Media and Spokesperson na nilagdaan ni Pangulong Rodrigo Duterte nuon pang Oktubre a-19.
Ayon kay Presidential Communications Secretary Martin Andanar, nakita nila kung paano naglingkod si Badoy sa pinanggalingan nitong DSWD o Department of Social Welfare and Development.
Tiwala si Andanar na maipapakita ni Badoy ang sigasig nito sa trabaho lalo’t nasa bago na siyang opisina at umaasa siyang malaki ang magagawa nito sa harap na rin ng pagsisikap ng pamahalaan na maihatid sa publiko ang mga ginagawa ng gubyerno sa pagtatamo ng kaunlaran.
