Tiniyak ni Senate Blue Ribbon Chairman Erwin Tulfo na ipagpapatuloy ang imbestigasyon sa maanomalyang flood control projects sa oras na maisapinal ang komposisyon ng komite sa Hulyo a-bente-siyete.
Kasabay nito ang ikalimang SONA o State of the Nation Address ni Pangulong Ferdinand Marcos Junior.
Ipinaliwanag ni Senador Tulfo na hindi maaaring magsagawa ng pagdinig hangga’t hindi pa naisasapinal ang mga miyembro nito.
Dagdag pa ng mambabatas, tututukan nila ang mga bagong lead at pangalang lilitaw sa imbestigasyon, bukod pa sa mga nakasuhan na ng Ombudsman upang maiwasan ang pag-uulit ng proseso.
Nakatakda rin aniyang talakayin ang pagpapatupad ng mga panibagong proseso kabilang ang mas mahigpit na pagsusuri sa mga affidavit at pagbabawal ng surprise witness. | mula sa panulat ni Reianne Antiquina
