Muling itinanggi ni Pangulong Rodrigo Duterte na may kumpas siya sa impeachment complaint na inihain laban kay Supreme Court Chief Justice Maria Lourdes Sereno.
Inihayag ito ng Pangulo, isang araw bago ang pagdinig ng House Committee on Justice sa nasabing reklamo laban kay Sereno.
Giit ni Pangulong Duterte, wala siyang nilapitan na kahit sino para ipag-utos ang pagpapa-impeach sa punong mahistrado bagama’t ilang beses niya na itong pinagbantaan sa kanyang mga talumpati na patatalsikin sa pwesto.
Saad ng Pangulo, ayaw niyang madawit pa sa paglilitis laban kay Sereno.
