Naniniwala si dating Senate president Franklin Drilon na mas titindi ang galit ng taunbayan sa oras na i-veto ni Pangulong Ferdinand Marcos Jr ang panukalang batas na bubuo ng Independent People’s Commission (IPC), kasunod ng tila pagiging malamig ng malakanyang sa pags sertipika bilang urgent sa nasabing panukala.
Binigyang-diin ni Drilon na galit na ang publiko sa malawakang korapsyon at mas titindi pa ang galit ng mga ito kapag ibinasura ng Pangulo ang panukalang IPC na mag-iimbestiga sa mga kaso ng katiwalian sa mga proyekto ng pamahalaan.
Lilitaw anya na hindi talaga seryoso ang palasyo sa pag-paaimbestiga sa mga isyu ng katiwalian sa mga proyekto ng gobyerno tulad ng flood control anomalies.
Nilinaw rin ng dating lider ng Senado na hindi masasabing unconstitutional ang nilikhang ICI at isinusulong na IPC, dahil fact-finding lang ang mandato nito at wala itong prosecutorial power.
Iginiit ni Drilon dapat pa rin isulong ng Senado at Kamara ang pagpapasa ng panukalang IPC at hayaan ang Pangulo na umaksyon kung lalagdaan o i-veto ito.
Si Drilon ay isa mga kinunsulta ng Senado sa pagbuo ng panukalang IPC. — sa panulat ni John Riz Calata
