Mariing kinundena ng Kabataan Partylist ang brutal na pagpaslang ng isang Taiwanese National sa Transgender woman na si Robert William Riley o mas kilala sa pangalang Ashley Ann.
Ayon sa grupo, nakalulungkot ang sinapit ni Riley na itinuturing na panibagong kaso ng hate crime laban sa lesbian, gay, bisexual at transgender o LGBT community.
Dahil dito, hiniling ng grupo sa pamahalaan na agad magkasa ng imbestigasyon hinggil dito gayundin ang pagpapanagot sa Taiwanese na suspek.
Matatandaang nakitang nakasilid sa maleta ang bangkay ni Riley nang matagpuan ito sa kahabaan ng Cavite Expressway o CAVITEX nuong Sabado.
By: Jaymark Dagala
