Mas malaking banta sa Amerika ang ISIS kaysa grupong Al Qaeda.
Sinabi ni Federal Bureau of Investigation (FBI) Director James Comey na maraming Amerikano ang naimpluwensiyahan ng ISIS sa isang taon lamang na kampanya ng mga ito partikular sa social media.
Ayon kay Comey, maraming naaresto ang ahensiya na mga nakikisimpatya sa jihadist group sa nakalipas na dalawang buwan.
Kabilang na rito ang nagbalak na magsagawa ng terror attack kasabay ng July 4 Independence Holiday sa US.
Sinabi ng FBI Chief na nakakabahala ang pagtungo ng Amerikano sa Iraq at Syria para sumali sa ISIS.
By Mariboy Ysibido
