Hindi lamang ang mataas na presyo ng mga produktong agrikultural tulad ng bigas ang naging pangunahing dahilan sa paglobo ng inflation.
Ito ang iginiit ng NFA kasunod ng pahayag ng DOF o Department of Finance na ang mataas na presyo ng mga produktong agrikultural bunsod ng pananalasa ng Bagyong Ompong ang kanilang nakikitang pangunahing contributor sa pagtaas ng inflation rate.
Ayon sa NFA, maraming factor kung bakit pumalo sa 6.7 percent ang inflation rate nitong Setyembre at isa lamang anila rito ang presyo ng bigas.
Ilan din anila sa mga dahilan sa paglobo ng inflation ang patuloy na pagsipa ng presyo ng mga produktong petrolyo, singil sa kuryente at pamasahe.
Kasabay nito, inihayag ng NFA na asahan na ang pagbaba sa presyo ng bigas dahil bubuhos na anila ang suplay ng mga commercial at NFA rice sa mga pamilihan sa mga susunod na linggo.