Ikinatuwa ng isang senador ang pagbuhos ng mga essential workers na kabilang sa A4 priority group ang pumupunta sa mga vaccination centers sa bansa para magpaturok ng bakuna kontra COVID-19.
Sa isang pahayag, sinabi ni Senador Bong Go na ang naturang pagbuhos ng mga essential workers sa vaccination centers ay magandand senyales para muling makabangon ang ekonomiya ng bansa.
Mababatid kasi na dahil sa pandemya, ay napilitang magsara ang maraming negosyo sa bansa dahilan naman ng pagkawala ng trabaho ng maraming Pilipino.
Kasunod nito, pinatitiyak ng senador sa Inter-Agency Task Force (IATF) na siguruhing magiging mabilis ang pagbabakuna para sa economic frontliners para agad na maasikaso ang mga indibidwal na kabilang sa A5 priority group.
Sa huli, nanawagan si Senador Go sa publiko na pagkatiwalaan ang mga bakuna kontra virus na susi sa muling pagbalik sa normal na pamumuhay.
