Kumpiyansa si Pangulong Noynoy Aquino na natuto na ang Moro Islamic Liberation Front o MILF sa pangyayari sa Mamasapano Maguindanao noong Enero.
Ito’y makaraang maglunsad ng operasyon ang PNP Special Action Force o SAF na nauwi sa madugong engkuwentro at ikinasawi ng halos 70 indibiduwal.
Sinabi mismo ng Pangulo na positibo siyang alam na ng MILF na magbibigay daan ito sa anumang ilulunsad na operasyon ng gobyerno upang hindi na maulit ang madugong insidente.
Kasunod nito, naniniwala ang Pangulo na hindi makahahadlang ang MILF sa mga gagawing hakbang ng gobyerno sa hinaharap.
By Jaymark Dagala