Nanumpa na bilang bagong-talagang Undersecretary ng Department of Human Settlements and Urban Development si Albert Pagcu Dela Cruz Sr.
Personal na nanumpa si Dela Cruz kay Secretary Eduardo Del Rosario sa tanggapan ng DHSUD sa Diliman, Quezon City.
Matapos nito ay pinangunahan ng bagong opisyal ang executive committee meeting sa central office board room.
Malugod namang sinalubong ang bagong opisyal ng mga miyembro ng execom na binubuo nina Undersecretaries Marylin Pintor, Zyril Carlos, Assistant Secretaries Melissa Aradanas at Avelino Tolentino III. —sa panulat ni Drew Nacino
