Nananatili pa rin ang zero casualties bunsod ng naging pananalasa ng Super Bagyong Lawin sa malaking bahagi ng Luzon.
Ito’y ayon sa National Disaster Risk Reduction and Management Council o NDRRMC sa kabila ng mga naiuulat na mga nasawi ilang lalawigan sa kasagsagan ng bagyo.
Ayon kay NDRRMC Spokesperson Mina Marasigan, patuloy ang kanilang ginagawang beripikasyon kung may kaugnayan sa bagyo ang pagkakasawi ng mga ito.
Batay sa ulat, Pito ang naitalang nasawi dahil sa pananalasa ng Bagyong Lawin na naitala sa mga lalawigan ng Benguet, Ifugao, Isabela at Ilocos Norte.
By: Jaymark Dagala
