Kasabay ng pagdiriwang ng Philippine Antimicrobial Awareness Week 2022, binigyang diin ng isang eksperto ang kahalagahan na sumunod sa ipinapayo ng mga doktor kaugnay sa pag-inom ng mga gamot.
Sa panayam ng DWIZ, sinabi ni Philippine College of Physicians past President Dr. Maricar Limpin na kabilang sa malalaking problema sa buong mundo ang talamak na paggamit ng Antibiotics na walang tamang preskripsyon ng doktor.
Hindi aniya lahat ng sakit gaya ng lagnat at ubo ay nangangailangan ng Antibiotics dahil sa iba’t ibang sanhi nito.
Hinimok naman ni Limpin ang publiko na agad na magpakonsulta sa doktor sakaling makaramdam ng lagnat o ubo.
Una nang inihayag ng Department of Health na tumaas ang insidente ng pag-inom ng mga Antimicrobial Drugs na walang preskripsyon nitong kasagsagan ng pandemya dahil sa ginagawang “self-medication” laban sa Covid-19.
Pag sinabi ng doktor na inumin ng 7 araw, then kailangan 7 araw, ‘pag sinabing 5 araw then limang araw po iyon, kapag sabihin naman po na katulad ng TB, medyo matagalan po iyan 6 na buwan, kapag sinabi pong anim na buwan ibig sabihin talagang kailangan ho iyan na inumin ng anim na buwan ang dahilan ho nung maiksi o matagal na pag-inom ng antibiotics ay para masiguro po na napatay yung mikrobyong nagc-cause ng infection…” -Philippine College of Physicians past President Dr. Maricar Limpin