Tinanggal na ng Department of Agriculture (DA) ang ban sa mga pumapasok na poultry products sa Pilipinas mula sa Belgium.
Ito ay matapos ideklara na bilang Bird flu free ang Belgium batay sa pinal na ulat na ipinasa ng Belgian Veterinary Authority sa World Organization for Animal Health.
Ayon kay Agriculture Secretary William Dar, ligtas na sa banta ng Bird flu ang mga karne ng manok, day old chicks at itlog nito na pumapasok galing sa Belgium.
Tiniyak naman ng kalihim na susunod pa rin sa panuntunan ng DA ang pagpasok ng produktong manok sa bansa.
Noong December 2021, unang nagpatupad nang pansamantalang ban ang da sa mga pumapasok sa poultry products mula sa Belgium matapos makumpirma ang highly Pathogenic Avian Influenza outbreak.