Mahalaga ang ginagampanang papel ng mga babae sa lipunan partikular na sa pagtatamo ng pag-unlad.
Ito ang binigyang diin ng Philippine National Police (PNP) bilang pakikiisa sa International Women’s Month sa buwang ito ng Marso.
Sa pahayag ng PNP, kinikilala nila ang mahalagang papel ng mga babae sa pakikilahok ng mga ito sa social at political action para sa ikabubuti ng bansa.
Dapat igalang at protektahan ang kapakanan ng mga babae at dapat lang ibigay ang karapatang angkop para sa kanila.
Nabatid na may hiwalay na yunit ang PNP tulad ng Women and Children Protection Center na siya namang naatasang tumugon sa isyu ng mga babae at bata. —sa ulat ni Jaymark Dagala (Patrol 9)