Magsisilbing inspirasyon sa maraming lokal na opisyal ang malakas na political will ni Incoming President Rodrigo Duterte.
Ayon kay political analyst Mon Casiple, maaaring sundin na lamang ng bawat pinuno ng mga Lokal na Pamahalaan ang campaign slogan ni Duterte na bumabatikos sa kakulangan ng political will.
Una aniyang sinabi ni Duterte sa kanyang kampanya na mayroong mga batas ngunit hindi naman naipatutupad.
Dagdag pa ni Casiple, dahil naging alkalde si Duterte sa Davao City kung saan nakilala ang istrikto nitong pagpapatupad ng mga programa laban sa kriminalidad, isang hamon ngayon sa lahat ng alkalde na ipatupad ang mga ordinansa sa kanilang mga nasasakupan lalo na sa usapin ng krimen at iligal na droga.
By: Avee Devierte