Mararanasan pa rin ang epekto ng Hanging Habagat at Low Pressure Area sa ilang bahagi ng Southern Luzon.
Ayon kay PAGASA senior weather specialist Chris Perez, asahan ang maulap na kalangitan na may kalat-kalat na mga pag-ulan, pagkulog at pagkidlat sa CALABARZON, MIMAROPA at Bicol region.
Magkakaroon naman ng bahagyang maulap hanggang sa maulap na kalangitan ang Metro Manila at natitira pang bahagi ng Luzon dahil sa pulu-pulong mga pag-ulan na may kasamang pagkulog at pagkidlat partikular na sa hapon hanggang sa gabi.
Asahan parin na magiging maulap ang kalangitan na may mga pag-ulan, pagkulog at pagkidlat sa Western Visayas at Zamboanga Peninsula bunsod ng Southwest Monsoon o Hanging Habagat.
Magiging mainit naman ang panahon sa natitira pang bahagi ng Visayas at Mindanao pero may posibilidad din na ulanin sa hapon hanggang sa gabi bunsod naman ng localized thunderstorm.
Agwat ng temperatura sa Metro Manila ay maglalaro sa 25°C hanggang 32°C habang sisikat naman ang haring araw mamayang 5:36 ng umaga at lulubog naman ito mamayang 6:28 ng hapon.