Binara ni Ombudsman Samuel Martirez ang pahayag ni Department of Health (DOH) Undersecretary Maria Rosario Vergeire na nagulat sila nang malamang ini imbestigahan sila ng Office of the Ombudsman.
Ayon kay Martirez, bago pa ang lockdown ay sinimulan na nila ang imbestigasyon at bumagal lamang dahil sa ipinatupad na quarantine.
Imposible anyang nagulat si Vergeire o ang DOH dahil ilang beses silang tumatawag sa tanggapan nito at maging sa tanggapan ni Health Secretary Francisco Duque III.
Ipinasa lamang anya sila ng tanggapan ni Vergeire sa RITM kung saan ipinasa naman sila sa tanggapan ni Duque.
