Handa ang Malakanyang na idepensa ang posisyon nito hinggil sa inihirit nitong one year extension sa umiiral na martial law sa Mindanao.
Ito ang reaksyon ng palasyo sa ginawang pagdulog sa korte suprema ng mga opposition congressmen para muling kontrahin ang ikalawang martial law extension sa rehiyon.
Sinabi ni Presidential Spokesman Harry Roque, isang uri ng imahenasyon lamang aniya ang naiisip ng mga naturang mambabatas na magiging permanente na ang martial law gayung malinaw na labag naman ito sa batas.
Dumaan aniya sa proseso ang pagpapalawig ng batas militar sa Mindanao gayung kapwa pinagkasunduan naman ito ng ehekutibo at ng dalawang kapulungan ng kongreso.
(Ulat ni Jopel Pelenio)