Tiwala si Senador Panfilo Lacson na kailangan at mapakikinabangan ang ibibigay na emergency powers sa Pangulong Rodrigo Duterte para sa ‘Build Build Build’ program.
Sinabi ni Lacson na mapapabilis ang buong proseso para masimulan ang big ticket projects kapag may emergency powers ang pangulo.
Mahalaga aniyang may masimulan at huwag nang intindihin kung matatapos ang mga malalaking proyekto sa susunod na administrasyon.
Inamin ni Lacson na malaking usapin sa pagsisimula ng mga proyekto ang right of way kaya’t dapat ito ang unang pina-plantsa sa pagpa-plano ng proyekto.
