Handa ang Malakanyang na suspendihin ang koleksyon ng excise taxes sakaling umabot sa 80 Dollars per barrel ang presyo ng produktong petrolyo sa pandaigdigang merkado.
Ito ang inihayag ni Presidential Spokesman Harry Roque kasunod ng panibagong oil price hike kahapon matapos pumalo sa 100 Dollars per barrel ang presyo ng langis sa international market.
Ayon kay Roque, kung talagang labis na ang pagtaas ng oil products sa world market ay kailangan nang suspendihin ang koleksiyon ng excise taxes na syang nakasaad sa section 5 ng revenue regulation ng TRAIN Law.
Tiniyak naman ni Roque na makikipag-ugnayan sya sa Department of Budget and Management (DBM) upang maaksyunan ang walang humpay na pagsirit ng presyo ng mga oil product sa bansa.