Nagkaloob ng 800,000 dolyar na tulong ang Japan para sa mga apektado ng bakbakan ng militar at Maute group sa Marawi City.
Ayon sa Philippine Arm ng UNICEF o United Nations Children’s Fund ang tulong ng Japan ay para sa maayos ang sanitation sa gitna na rin ng report na tumaas na kaso ng diarrhea sa mga residenteng apektado ng sagupaan.
Nagpasalamat naman si UNICEF Philippines Representative Lotta Sylwander sa Japanese Government sa nasabing donasyon na malaki ang maitutulong para sa mga apektadong residente.
Binigyang diin ni Sylwander na ang access sa immunization, nutrition, ligtas na inuming tubig at clean sanitation ang mga pangunahong karapatang pantao ng mga bata at mga pamilyang pinaglilingkuran nila.
Sa pinakahuling report ang UNICEF ay nakapagpamahagi na ng halos 2000 hygiene kits at mahigit 2000 water kits para sa mga 20,000 residente.
By Judith Larino