Tinapos na ng committee on legislative franchises ng Kamara ang pagtatanong o interpellation nito hinggil sa prangkisa ng Kapamilya network.
Ayon kay Palawan Represenative Franz Alvarez, na chair ng komite, dahil natapos na ang pagtalakay sa mga isyu sa network, summation na lamang ang gagawin nito sa darating na Huwebes, ganap na ala-una ng hapon.
Sa summation, ilalahad ang buod ng mga pangyayari, o isyung tinalakay sa nakalipas na mga pagdinig ng kumite hinggil sa isyu.
Dagdag pa ni Alvarez, na posibleng na ring magbotohan ang miyembro ng kumite oras na maagang matapos ang isasagawang summation.
Samantala, kapag nakakuha ng magandang resulta ang Kapamilya network, iaakyat ito sa plenaryo para sa ikalawang pagbasa. Oras namang ibasura ang hiling na magkaroon ng panibagong prangkisa, hindi na ito aabot pa sa ikalawang pagbasa.