Kabilang ang Sorsogon at Masbate sa Bicol sa 33 lugar sa bansa na pagsisimulan ng implementasyon ng Universal Health Care (UHC).
Batay sa pag-aaral ng Philippine Health Insurance Corporation (PhilHealth), nakapasa sa kanilang criteria ang integration sites ng lalawigan.
Natapos na rin ang population profiling sa dalawang lugar kaya’t handa na ito para sa naturang batas.
Matatandaang inamin ni Health Secretary Francisco Duque III noong nakaraang buwan na hindi pa handa ang ahensya sa full implementation ng batas dahil sa problema sa pondo.
