Umaasa pa rin ang Buhay Partylist na hindi matutuloy ang iginigiit na pagbuhay sa death penalty ni President-elect Rodrigo Duterte.
Ayon kay Buhay Partylist Rep. Lito Atienza, umaasa siya na marami pa rin sa mga mambabatas ang hindi sasang-ayon sa kagustuhan ni incoming President Duterte.
Kaugnay nito, nanindigan si Atienza na hindi tamang solusyon at hindi paraan ang parusang bitay para mabawasan ang krimen sa bansa.
Hinimok din ni Atienza ang lahat na sumunod sa mga payo ni Pope Francis na ang death penalty ay hindi dapat ginagawa.
Bahagi ng pahayag ni Buhay Partylist Representative Lito Atienza
By Mariboy Ysibido | Balitang Todong Lakas
