Inilahad na ni US President Barack Obama ang kanyang ika-walo at huling State of the Union Address.
Ayon kay Obama target ng kanyang administrasyon sa nalalabing termino nito ang pagpapatupad ng mga repormang magdudulot ng magandang epekto sa kinabukasan ng bawat Amerikano.
Halimbawa nito ang reporma sa criminal justice, pagsasaayos sa immigration system, pagpapatupad ng mga hakbangin upang protektahan ang bawat bata mula sa gun violence, umento sa sahod at mas abot kayang edukasyon para sa mga Amerikano.
Target din ni Obama na palakasin ang kakayahan ng mga manggagawa at maliliit na negosyante upang makasabay sa pag-unlad ng ekonomiya.
By Ralph Obina
