Pumalo na sa 66 na indibidwal ang naitalang nasawi habang sugatan naman ang 100 pa matapos pasabugin ang isang mosque sa Afghanistan.
Nabatid na nag-aayuno at nagdarasal ang mga biktimang muslim bilang pagbigay-daan sa buwan ng Ramadan nang magkaroon ng malakas na pagsabog sa Khalifa Sahib Mosque ng nabanggit na bansa.
Patuloy pang nagpapagaling sa ospital ang mga sugatang biktima habang iniimbestigahan na ng mga otoridad kung sino ang responsable sa naganap na pagsabog.
Samantala, kinondena naman ng United States at United Nations’ Mission to Afghanistan ang naganap na pag-atake.
