Isang babae sa Gauteng Province, South Africa ang nagsilang umano ng 10 sanggol o decuplets.
Ikinagulat ni Gosiame Thamara Sithole at ng kanyang mister na decuplets ang kanyang iniluwal gayong walo lamang ang nakita sa ultrasound.
Ayon kay Gosiame, binubuo ng pitong lalake at tatlong babae ang kanilang decuplets.
Gayunman, bineberipika pa ng mga otoridad ang naturang ulat lalo’t hindi pa nakikita ng publiko ang mga sanggol maging si ginang Gosiame.
Inaalam na rin ng Guinness world records ang kakaibang kaso ng ginang na isang panibagong world record sakaling mapatunayang totoo. — sa panulat ni Drew Nasino.
