Nagpapahinga ngayon sa bundok sa Davao City si presumptive president Rodrigo Duterte matapos ang eleksyon noong Lunes.
Ayon kay Bong Go, executive assistant ni Duterte, gusto munang magpahinga ng alkalde matapos ang ilang buwang kampanya.
Dagdag pa ni Go na kailangan munang tapusin ni Duterte ang kanyang medikasyon matapos na makaranas ng mild fatigue dulot ng pagod.
Nilinaw naman nitong walang dapat na ikabahala ang taong bayan sa kondisyon ng kalusugan ng presumptive president.
By: Mariboy Ysibido