Ikinakasa ng mga maka-kaliwang grupo ang Black Friday Protest sa Enero 27 sa harap ng Kampo Krame.
Ayon kay Renato Reyes Jr., Secretary General ng BAYAN, protesta ito tila wala nang pakundangang pagpatay na ginagawa ng mga pulis sa kanilang giyera kontra droga na tinatayang nakakitil na ng halos 7,000 buhay.
Binigyang diin ni Reyes na sadyang mabibigo ang giyera kontra droga, hindi lamang dahil sa maling istratehiya para labanan ang problema kundi dahil ang mga nagpapatupad nito ay mga tiwaling pulis.
Nanawagan si Reyes sa taongbayan na ipahayag ang kanilang galit sa pang-aabusong ginagawa ng mga pulis sa giyera kontra droga kasabay rin ng kanyang panawagan sa Pangulong Rodrigo Duterte na itigil na tila pag-eendorso ng pagpatay.
By Len Aguirre
