Tiniyak ng Metropolitan Waterworks and Sewerage System na sapat ang suplay ng tubig sa nalalapit na tag-init.
Ayon kay MWSS Manager Site Operation Engineer Christian Gonzales, nasa komportableng lebel pa ngayon ang karamihan ng mga dam kabilang ang Angat Dam na pinagkukunan ng siyamnapung porsyentong suplay sa National Capital Region.
Binigyang diin din ni Engineer Gonzales, na may sapat din anyang water facilities ang mga water concessionaire na Maynilad Water Services at Manila Water para matugunan ang pangangailangan ng mga consumer.
Nanawagan na rin ang MWSS sa National Water Resources Board na panatilihin ang 52 cubic meters per second na alokasyon bilang paghahanda sa posibleng pagtaas ng demand.
