Iniimbestigahan na ng DOJ o Department of Justice ang bank account ng mga nasa oposisyon partikular ang mga tinaguriang ‘Dilawan’.
Ito ang inamin ni Justice Secretary Vitaliano Aguirre sa isang event ngunit tumanggi siyang tukuyin ang naturang mga bank accounts dahil nagpapatuloy aniya ang imbestigasyon sa mga ito.
Ayon kay Aguirre, partikular na tinitignan ay ang foreign bank accounts na matatagpuan sa Switzerland, Malaysia, Australia at iba pa.
Nakikipag-ugnayan na aniya ang Anti-Money Laundering Council sa naturang mga bangko at sa tamang panahon ay ilalabas din ang resulta nito.
—-
