Hindi malayong ipasuspinde ni Pangulong Rodrigo Duterte ang operasyon ng Philippine Offshore Gaming Operators (POGO).
Ito ang tugon ng Malakaniyang para patunayang hindi malambot ang pangulo sa pagpapataw ng parusa sa mga Chinese na nasasangkot sa mga krimen at iligal na aktibidad sa bansa.
Ayon kay Presidential spokesman Salvador Panelo, walang sinasanto ang pangulo maging ito pa ay dayuhan basta nagakagawa ng krimen o lumabag sa batas ay tiyak na mananagot ito.
Giit pa ni Panelo walang binibigay na proteksyon ang pamahalaan sa mga Chinese na narito sa bansa maging ito ay turista o nagta-trabaho.
Magugunitang naglabasan ang iba’t ibang kontrobersya kung saan nasasangkot ang mga Chinese sa bansa gaya ng pastillas scheme, prostitution den, money laundering, droga, kidnapping.
