Inaasahang matutugunan na ng Land Transportation Office (LTO) ang matagal nang backlog sa mga plaka ng sasakyan sa buong bansa.
Ito’y makaraang pasinayaan kahapon ang bagong plate making facility ng lto sa punong tanggapan nito sa Quezon City kaalinsabay ng kanilang ika – isandaan at anim na anibersaryo.
Mismong si Transportation Secretary Arthur Tugade ang nanguna sa pagpapasinaya sa nasabing pasilidad kasama si LTO Chief Asst/Sec. Edgar Galvante.
Ayon kay Galvante, inaasahan nilang makalilikha ang mga makina ng hanggang dalawampu’t dalawang plaka kada araw na hahatiin sa dalawang shift.
Nakatakda rin aniyang dumating sa buwan ng Hulyo ang kanilang embossing machine na kukumpleto sa kabuuang produksyon ng mga plaka na kayang makagawa ng labindalawang libong plaka kada araw.
Pero paglilinaw ni LTO Law Enforcement Service OIC Director Francis Rey Almora, hindi lahat ng plaka na nakabinbin sa kanilang tanggapan ay masasaklaw sa produksyon nito.