Pinasisibak ni Negros Oriental Rep. Arnulfo Teves kay Pangulong Rodrigo Duterte si PHILHEALTH President Celestina Maria Jude Dela Cerna.
Ito’y ayon kay Teves ay dahil sa lalong sumama ang serbisyo ng PHILHEALTH sa ilalim ng pamumuno ni Dela Cerna sa halip na umayos ang pamamahala sa nasabing ahensya.
Ikinagulat din ng mambabatas ang naging pag-amin ni Dela Cerna sa isang pulong sa Kamara na isang taon din siyang tumira sa Legend Villas kung saan aabot sa halos 4,000 Piso ang bayad kada araw.
Kasunod nito, naghain ng resolusyon si Teves sa Kamara para imbestigahan ang mga nangyayaring anomalya sa PHILHEALTH.
