Mahigpit na minomonitor ng mga awtoridad ang mga natitirang supporters ng Maute group na posibleng nagpaplano ng panggugulo sa gitna ng paghahanda ng pamahalaan sa 31st ASEAN summit.
Gayunman, nilinaw ng AFP o Armed Forces of the Philippines Spokesperson Major General Restituto Padilla na hindi lahat ng mga may apelyidong Maute ay sangkot sa panggugulo sa Marawi City.
Giit ni Padilla, marami sa mga nagtataglay ng apelyidong Maute ang lehitimo at tahimik ang pamumuhay.
Dagdag ni Padilla, bukod sa mga Maute supporters, kanila ring mahigpit na tinututukan ang mga posibleng banta ng panggugulo ng NPA o New People’s Army.
Anya, maituturing na economic sabotage ang mga aktibidad ng NPA tulad ng mga pag-atake sa sektor ng agrikultura, panununog sa mga construction equipment at pangingikil.