Patay ang apat na miyembro ng Bangsamoro Islamic Freedom Fighters o BIFF habang dalawang iba ang sugatan matapos makasagupa ng militar sa Datu Paglas, Maguindanao.
Ayon kay Philippine Army 33rd Infantry Battalion Commander Lt. Col Harold Cabunoc, nangyari ang engkwentro nang pasukin ng BIFF ang Siito Mopac Barangay Poblacion.
Dagdag pa ni Cabunoc, nagawang makubkob ng mga bandido ang ilang kabahayan malapit sa munisipyo ng Datu Paglas pero nabawi rin ng militar matapos ang halos kalahating araw ng bakbakan.
Narekober din mula sa mga tumakas na miyembro ng BIFF ang tatlong bomba na ginamit bilang mga booby traps.
Samantala, aabot naman sa limandaang (500) residente ang nagsilikas bunsod ng engkwentro at pansamantalang nanunuluyan sa gymnasium.
(Ulat ni Jaymark Dagala)
