Nilinaw ng Malacañang na hindi lang si dating Ako Bicol party-list Rep. Zaldy Co ang sentro ng imbestigasyon sa umano’y iregularidad sa flood control projects.
Ayon kay Palace Press Officer Undersecretary Claire Castro, mas malawak ang iniimbestigahan at posibleng marami pang ibang indibidwal ang sangkot sa kontrobersiya.
Dagdag niya, hindi pa tapos ang pagbusisi sa mga proyekto at may mga ulat din ng posibleng anomalya mula 2018 hanggang 2020.
Sinabi rin ng Palasyo na patuloy ang imbestigasyon upang matukoy ang lahat ng may pananagutan sa isyu.
