Nasabat ng mga kawani ng Philippine National Police (PNP), ang 20 kilo ng shabu sa isang buy bust operations sa Quezon City, kaninang madaling araw.
Ayon kay NCRPO Chief Dir. Joel Pagdilao, ang mga drugs na may street value na 80 hanggang 100 milyong piso ay nakuha mula sa pamilya Balacuit.
Sinabi ni Pagdilao na nagpanggap ang isang pulis na bumibili ng 5 kilong shabu at kanilang nadiskubre ang 15 kilo sa loob ng sasakyan ng mga ito.
Sinabi ni Pagdilao na mula nitong Enero, nakumpiska na ng pulisya ang 177 kilo ng shabu at nasa 1, 400 na ang kanilang naaresto.
By Katrina Valle
