Itinuloy na muli ang pagbabakuna para sa lahat ng brands ng COVID-19 vaccines sa Valenzuela City kahapon.
Ito’y matapos makansela ang pagbabakuna sa mga vaccination centers ng lungsod bunsod ng patuloy na pagbuhos ng ulan.
Sinimulan kahapon ang schedule ng pagbibigay ng 2nd dose ng lahat ng brands ng bakuna na tatagal hanggang a-8 ng Agosto.
Samantala, sa mga nakanselang vaccination appointment nitong Hulyo 25 at 26, naglaan naman ang lungsod upang makapagpabakuna ang mga ito.
Sa mga na-cancel na 1st at 2nd dose nuong Linggo, inilipat ito sa Lunes, a-dos ng agosto at sa Martes, a-3 ng Agosto naman nakaskedyul ang mga nakanselang appointment Hulyo 26.
Para naman sa mga senior citizen na hindi nabakunahan at nais tumanggap ng Janssen vaccine magpunta lamang sa Valenzuela City simula ngayong araw, mula alas-8 ng umaga hanggang alas-4 ng hapon at magdala ng senior citizen ID.