Ipinagmalaki at ikinatuwa ng Philippine National Police o PNP ang patuloy na pagbaba ng kaso ng COVID-19 sa kanilang hanay.
Ayon kay PNP Public Information Office Chief, P/BGen. Roderick Alba, ito’y makaraang wala silang maitalang bagong kaso ng virus ngayong araw.
Kasabay nito, bumaba na rin sa 1 ang naitatala nilang aktibong kaso matapos maitala ang 1 bagong gumaling sa sakit.
Dahil ito aniya sa masinsinang pagsunod ng mga Pulis sa minimum public health and safety standards sa loob ng mga Kampo gayundin sa lahat ng himpilan ng Pulisya sa buong bansa.
Wala namang naitalang bagong nasawi sa COVID-19 sa PNP kaya’t nakapako pa rin ang kabuuang death toll nito sa 128. —ulat mula kay Jaymark Dagala
