Ipinag-utos mismo ni Transportation Secretary Arthur Tugade ang rehabilitasyon sa Zamboanga International Airport.
Ito ay matapos madismaya ang kalihim sa mga nakita nito sa surpresang inspeksyong isinagawa nito sa naturang paliparan.
Kabilang sa mga napansin ni Tugade ay ang napakaliit na baggage carousel at ang kakulangan ng gang chairs at passenger seat sa boarding areas.
Sa galit ni Tugade, nagbanta itong pag-uuntugin ang ulo ng mga opisyal ng paliparan kapag bumalik itong hindi pa rin naisasa-ayos ang sitwasyon sa Zamboanga International Airport.
—-