Tinanggal na ng World Bank (WB) sa kanilang website ang kontrobersyal na report sa mababa umanong kalidad ng education system ng Pilipinas.
Dakong hapon na nang tanggalin ang report na may titulong “Improving Student Learning Outcomes and Wellbeing in the Philippines: What are International Assessments telling us?” Na isinapubliko noong June 21.
Inalis din ang kasamang presentasyon para sa report matapos igiit ng Department of Finance (DOF) na tanggalin sa website ang nasabing artikulo.
Inireklamo naman ni Finance Secretary Carlos Dominguez kay Wb Group President David Malpass ang “kawalan ng propesyunalismo” ng Washington-based lender dahil sa kabiguang kumonsulta sa mga opisyal ng Department of Education bago ilabas ang report. —sa panulat ni Drew Nacino
