Dumistansya na ang Armed Forces of the Philippines (AFP) sa pagbibigay ng clearance sa isang grupo ng mga kabataang volunteers sa isasagawang freedom voyage sa West Philippine Sea.
Sinabi ni AFP Chief of Staff General Hernando Iriberi na ipinauubaya na nila sa Philippine Coast Guard ang pagbibigay ng clearance para sa nasabing paglalayag.
Muling iginiit ni Iriberi na delikado sa mga kabataan na bumiyahe sa area lalo na’t hirap maglayag ang mga bangka.
Malaki aniyang responsibilidad ang kakaharapin ni dating Marine Captain Nicanor Faeldon sakaling may mangyaring masama sa mga kabataang volunteer.
By Judith Larino
